जुलै २०२६ : ४ जुलै रोजी नवरचना विद्यालयात 'कापरेकर गणित मंडळा'ची स्थापना नवरचना विद्यालयात करण्यात आली. गणिती दिनदर्शिका, १२ तासांचे घड्याळ वेगळ्या पद्धतीने तयार करणे इ. गणित सहाय्य्क उपक्रम राबले जात आहेत.

जुलै २०२६ : २२ जुलै हा 'पाय सन्निकटन दिवस' अर्थात Pi Approximation Day ! हा गणितीय दिनविशेष अल्पारंभ फाऊंडेशनच्या माध्यमातून 'कापरेकर कॉर्नर' या उपक्रमा अंतर्गत विविध ठिकाणी साजरा करण्यात आला.

जुलै २०२६ : तीन दिवसीय “श्री समर्थ कथा" हा प्रेरणादायी कार्यक्रम दिनांक १०, ११ व १२ जुलै २०२६ रोजी शंकराचार्य डॉ. कुर्तकोटी सभागृह, गंगापूर नाका, नाशिक येथे उत्स्फूर्त प्रतिसादात यशस्वीरीत्या संपन्न झाला.

जुलै २०२६ : कापरेकर यांच्या अद्वितीय गणितीय योगदानाची ओळख करून देणारे आकाशवाणी प्रसारण संपन्न झाले. प्रसारण कालावधी: ३ जुलै ते ७ जुलै २०२६ , लेखन व वाचन: डॉ. रुपाली कुलकर्णी.

मे २०२६ : ज्येष्ठ मानसोपचारतज्ज्ञ डॉ. आनंद नाडकर्णी यांना कार्यातून श्रद्धांजली अर्पण करण्याचा सुंदर विचार पुढे आला आणि त्यातून "तेजोमय मेमरी क्लब" ची सुरुवात झाली.

मार्च २०२६ : सोशल नेटवर्किंग फोरम (SNF) ही नाशिकस्थित स्वयंसेवी संस्था गेल्या ६ वर्षांपासून दुर्गम आदिवासी भागात 'ग्राम वाचनालय चळवळ' राबवत आहे. आजपर्यंत ३० वाचनालये कार्यरत आहेत आणि या वाचनालयांच्या माध्यमातून अभ्यास केलेल्या १०० हून अधिक ग्रामीण विद्यार्थ्यांनी शासकीय नोकऱ्या मिळवल्या आहेत. फाउंडेशनमार्फत SNF चे श्री. प्रमोद गायकवाड यांच्याकडे १० वाचनालयांसाठी पुस्तकांचे सेट देण्यात आले.

फ्रेब्रुवारी २०२६: २७ फेब्रुवारी, मराठी भाषा गौरव दिनाच्या निमित्ताने अल्पारंभ फाऊंडेशन मार्फत "तेंडल्या" या एका राष्ट्रीय पुरस्कार विजेत्या, ५ राज्य पुरस्कार विजेत्या मराठी चित्रपटाचे सादरीकरण ४ संस्थांमध्ये करण्यात आले.

नोव्हेंबर २०२५: टीम अल्पारंभ मधील डॉ. आर. डी. कुलकर्णी यांनी “Cyber Security Threats for Industries” या अत्यंत महत्त्वाच्या विषयावर सत्र घेतले. या सत्रामध्ये त्यांनी औद्योगिक क्षेत्रातील वाढते सायबर धोके, डेटा चोरी, हॅकिंगचे प्रकार, फिशिंग/मालवेअर यांसारख्या समस्यांबद्दल सोप्या भाषेत माहिती दिली. तसेच सुरक्षित डिजिटल सवयी आणि संरक्षणाच्या उपाययोजनांवरही मार्गदर्शन केले.